М-Си-Эс Группийн волейбол, шатрын тэмцээнд баг тамирчид маань амжилттай оролцлоо

М-Си-Эс Группийн волейбол, шатрын аварга шалгаруулах тэмцээнүүд өнгөрсөн амралтын өдрүүдэд зохион байгуулагдаж, Юнисервис Солюшн компанийн баг тамирчид амжилттай оролцлоо.

Группийн хошой аварга, нэг удаагийн мөнгөн медальт волейболын эмэгтэй баг маань энэ удаагийн тэмцээнд 12 хүний бүрэлдэхүүнтэй оролцож, хоёр өдрийн турш хурд хүч, авхаалж самбаа, багийн эв нэгдлээ харуулан өрсөлдөж, дахин мөнгөн медаль хүртлээ.

Мөн эмэгтэй бэлгэдлийн багт манай хоёр тамирчин шалгарлаа. Шилдэг довтлогчоор Юнисервис Солюшн компанийн Захиргааны ажилтан Д. Арвин-Эрдэнэ, Шилдэг голын хаагчаар Амрах байрны зохицуулагч Э. Мөнхжин нар тус тус шалгарсан байна.

Шатрын тэмцээний эмэгтэй рапид төрөлд Юнисервис Солюшн компанийн Ухаа худаг салбарын ажилтан Б. Мичидмаа тусгай байранд шалгарсан амжилт үзүүллээ.

Компаниа төлөөлөн ур чадвар, хичээл зүтгэл, багийн эв нэгдлээрээ амжилттай оролцсон нийт баг тамирчдадаа баяр хүргэж, цаашдын тэмцээн уралдаан болон ажилд нь өндөр амжилт хүсье.