ХҮМҮҮС БА СОЁЛ
Юнисервис Солюшн ХХК нь ажилтнууддаа байгууллагынхаа хамгийн үнэ цэнтэй хөрөнгө гэж үздэг. Бид ажилтан бүрийг аюулгүй, шударга, хөгжих боломжтой, өөрөөрөө бахархах ажлын орчинд ажиллах нөхцөлөөр хангахыг зорьдог.
Манай ажилтанд өгөх үнэ цэнийн амлалт нь тав тухтай ажлын орчин, суралцаж хөгжих боломж, тогтвортой өсөлт, байгууллагын эерэг соёл, цалин хөлс ба урамшууллын шударга тогтолцоонд суурилдаг.
БИДЭНТЭЙ ХАМТ ҮНЭ ЦЭН БҮТЭЭХИЙГ УРЬЖ БАЙНА
Бид ажилтнуудынхаа аюулгүй байдал, эрүүл мэнд, ажлын тав тухыг хангахыг нэн тэргүүнд тавьдаг. Хөдөлмөр хөнгөвчилсөн дэвшилтэт технологи, зохион байгуулалтыг үйл ажиллагаандаа нэвтрүүлж, ажиллах орчныг тасралтгүй сайжруулдаг.
Ажилтан бүр тасралтгүй суралцаж, ур чадвараа нэмэгдүүлэн, ажил мэргэжлийн хувьд ахиж дэвших боломжтой байх ёстой гэж бид үздэг. Иймээс сургалт хөгжлийн бодлого, ажлын байран дахь дадлага, ур чадварын хөгжлийг тогтмол дэмждэг.
Бид ажилтнуудынхаа урт хугацааны өсөлт, карьер хөгжлийг дэмжиж, байгууллага дотроо өсөн дэвших боломжийг бүрдүүлдэг. Ажилтан бүр өөрийн ажлаараа бахархаж, байгууллагын амжилтад хувь нэмэр оруулах нөхцөлийг бий болгохыг эрмэлздэг.
Бид эрх тэгш, шударга, хүндлэлтэй, нээлттэй харилцаатай орчныг бүрдүүлдэг. Ажилтан бүрийн оролцоо, санал санаачилга, дуу хоолойг үнэ цэнтэй гэж үзэж, хамтын ажиллагаа, итгэлцэлд суурилсан байгууллагын соёлыг хөгжүүлдэг.
Бид ажилтнуудын гүйцэтгэл, хувь нэмэр, тогтвортой байдлыг үнэлж, өрсөлдөхүйц цалин урамшуулал, хөнгөлөлт хангамжийн бодлогыг хэрэгжүүлдэг. Ажилтанд зориулсан дэмжлэгийн хөтөлбөрүүдээр дамжуулж сэтгэл ханамжтай ажиллах нөхцөлийг бүрдүүлдэг.
Бидний итгэл үнэмшил бол энгийн: сэтгэл ханамжтай ажилтан л сэтгэл шингэсэн үйлчилгээг үйлчлүүлэгчиддээ хүргэдэг.
